Solgaľipena vaš MyMamy, o.z.

Prekal savore ala berša, so keras, imar but presikhaďam duj jekhinteresneder oblasťi, andre save hiňi amari buťi kampeľišagutňi the prekal save amen butginďardones keras. Elšino lendar hino sikhado šegitipen le sikhade manušenge – le džuvľijenge, saven hin andro peskero dživipen sprindžaripen le maribneha prekal dujdženengere sphandľipena the lengere čhavenge. Sar aver, načineder interesno the kampeľišagutno, pes presikhaďa e buťi pedal buchľaripen le gondoľišaga vaš zeroskeri tolerancija pedal mariben, ľingunalo jekhzaterďipen the oprehazdňipen vaš džaňiben pal manušikane pravi, savo hino the akor but charne. Sar oda dičhol the so savoro lel andre peste adi buťi, kana bi kamahas pal oleste te vakerel avka churdones?

► So  das amare klientkenge?

Socijalno šegitipen.

Ceľos vaš socijalno šgitipen hino šegitipen pedal romňijende the lengere čhavenge le goďaverišagoha vaš mariben andal peskero romestar/partnerostar/dadestar maškarutnes le sthodo planoha vaš socijalňi buťi, so lela prekal paťiv rozgiňipen ola klijentakatar. Ceľos vaš sthodo planoste hino klijentgengero zorasaľipen the lengere čhaven ke oleste, aj džanen elšines te dživel peskero dživipen bijo mariben. Oda hino na ča ceľos, aľe the e but bari metoda, so pes chasňarel  prekal šegitipno sphandľipen. Prekal socijalno šegitipen keras duj tipi – bazutna the špecijalizimen šegitipen, so keras prekal ambulanťiko the terenoskeri formaha. Bijo dujmujeskero sprindžaripen keras the šegitipen telefonikanes vaj emajloha.

Ceľos vaš socijalno asistencija

Ceľa vaš socijalno asistencija hine:

-Te šegitinel la klijentkake le čhavenca te rodekerel šegitipen paš problemoskero goďaverisaripen sphandlo la situacijaha le maribnesha,

-Te šegitinel la klijentkake te komunikinel le pašaľipnaha, te presikhavel peskere kampeľišaga prekal dodikhiben the treningoste vaš e komunikacija,

-te zorasarel klijentkakero peskropaťaben, lakero paťaviben ke peste korkorake the možnosťa korkoreskero pherdothodo dživipen bijo mariben. 

Krizovo intervencija the krizovo zathodo šegitipen

Ceľos vaš krizovo intervencija perel pedal špecijalizimen šegitipen pedal džuvľijende the le čhavenge, so ačhile andre kriza. Oda hino butsiďardo ačhiben prekal kriza – kana džal mariben, the pal mariben – kana kamen so jekhbuter te cikňisaľol hrozimen džuvľija the čhave. Ceľos vaš zathodo šegitipen hino šegitipen pedal džuvľijenge the čhavenge, so ačhile andre krizovo situacija maškaripnes zorasaľipnaha aj te chudel la situacija avka, hoj terďuvas paš džuvľijende the čhavende.

Psichologikano šegitipen

Ceľos vaš psichologikano šegitipen hino te šegitinel le klijentkenge the lengere čhavenge te predživel o daraviben, te zorasaľol o klijentki the lengere čhave, nevisaľol vaj te šegitinel mek jekhvar te arakhel peskroľikeriben, peskropaťiv the korkoreskero živipen bijo mariben. Ceľos hino the šegitipen sar te rozphandel le avrenca, so ačhon andro džuvľijende the čhavende the šegitipen sar te zachudel dur duripneha sthode člavibena, so ine sphandle le rozgiňipneha vaš mariben sthodo pro džuvľijende (ko priklados zachudňipen pedal krisoskero ačhiben).

Pedal klientkenge, so pen pedal oda rozginena, vašoda hoj šunen, hoj len nane avriľikeriben peskere čhaven zorales andro vasta, aľe the ola, kaj dikhľam  but bare problemi le peskere dadodajeskere džanľipenca the phaglo sphandľipen le čhavenca, hin amen  ajso terapeutiko programos „Rekonštrukcija vaš sphandľipen e daj – čhavo“, pre savo phirkeren jekhetanes o klijentki le peskere čhavenca. Ada programos šaj sasťarel lengero sphandľipen the šegitinel lenge te arakhel ke peste drom. Mariben andal le dadestar cajchinela the sphandľipen daha le čhaveha, sodujdžene musaj pes te ľikerel neve situacijaha, te telethovel pes telal neve telethoďipnendar, neveder peske te sthovel maškaripeskere sphandľipena, te arakhel jekhetaňi paťiv.

Ľikerde grupi

Ceľos vaš ľikerde grupi hino sthoďipen vaš šuňibnaskero ľikeriben, zľikeriben vaš socijalno identita le klienten, sikhaviben the informaciji pal ala problemi, sthoviben vaš pašaľipenaskero ľikeriben the sthoviben vaš socijalno zathoviben (Spiegel, 1993). Ľikerde grupi sikhaven možnosťa vaš jekhetane sthode predživipena, maškarutno šegitipen the ľikeriben the anglunes zorasaľipen vaš džuvľijen the lengere čhaven prekal „Na sal pre oda korkori/korkoro.“   

Pravno šegitipen the pravno zaterďipen

Ceľos vaš pravno zaterďipen le džuvľijenge the čhavenge, so predžidživen mariben, hino šegitipen ko kompleťiko rozgiňipen vaš but phari maribnaskeri situacija. Kvalifikimen pravno šegitinďi dodikhel pre maribnaskeri situacija, kaj ačhel e džuvľi le čhavenca prekal dikhiben vaš pravna postupi. Amare klijentki amendar chuden hijaba  o pravno šegitipen the pravno zaterďipen prekal vecenge vaš pravna prikeribena the povinosťa vaš daden the dajen ko cikne čhave pal rozgeľipen, kana hino sthodo avriarakhiben prekal veca, kana o čhavo hino zathodo ke daj vaj ko dad the avriarakhiben pedal avriľikeriben vaš cikno čhavo, paš o avriarakhiben sodujdženengero avriľikeriben the kana pes sthovkerel lovengero avriľikeriben pedal baro čhaveste, paš biodthovkerdo avriakhariben kana hino našťipen vaš andripen andro kher the avriakhariben, kana našťi te jel pašes ke dženeske, paš odčhiviben andal o khereste, kana pes avriakharel bijozachudňipen kana dad the daj vareso ke peste ľikeren, le vecenca, kana džal ekzekucija vaš o alimenti, kana hino strestno ačhiben, kana hino ďeďičikano ačhiben, phuvakero, buťakero the ekzekucijakero pravos the aver.

Ča vachteskero zabešiben andro Bidarangutno džuvľikano kher Mymamy


Lovengero zoznamos vaš zabešiben arakhena andro dothoďipen. (Lovengero zoznamos PDF)

Zabešibňi služba sthoďi prekal 29 Zakonos num. 448/2008 pal socijalna službi. O kher vaš ča vachtoskero zabešiben hino, dikhades le zapadoeuropakere trendi, aľe the  projektoskero zathoďipen, paľikerdones saveske Bidarangutno džuvľikano kher Mymamy pes ačhiľa, pre garuďi adresa. Adi služba hiňi poťinďi, hiňi vaš o love prekal ceňikoste the ľikerdones le dovakeribneha pal službi the zabešiben. Andro kher pes šaj resen 35 manuša (jekhbuter 11 džuvľa the 24 čhave), the fameľijakero than pedal imobilna manuša.

Sthoďipen vaš zabešiben prekal ča vachoskero zabešiben hino jekh andal buter solgaľipena, save hine kompleťiko zathode pedal ceľoste, kana hino klijentkengero zorasaľipen the lengere čhaven, aj džanen te zchudel nevo korkoreskero dživipen bijo mariben. Andro ada špecilizimen kher le kompleťiko službenca the ľikeribnaha resen o džuvľija the lengere čhave andal peskere budžande romen – partneren the daden, priležitosťa te sprindžarel pes le predžide dukhavibnenca. Andro pašaľipen, kana hine andro bidarangutňipen, the na musaj te rozginel peskere džidune problemi save hine sar zabešiben, so te chal, hin len than pre oda, aj andre peste arakhen e zor te zachudel anglunes, te kerel čalaviben pedal lengero aver, peskero dživipen bijo mariben.

Šegitipen pedal jažura vaš trestna keribena prekal forma vaš špezijalizimen odborno šegitipen anglunes le jažura prekal § 5 ods. 4 zakonoha pal jažurende 

Oda hino nevo solgaľipen, savo amaro themeskero sphandľipen prekal dojekhvarutno buchľaripen vaš peskero portfolijos pedal šegitipen vaš amari grupa – džuvľija so zadžidživen mariben prekal sodujdženenge sphandľipena the lengere čhaven sthovel andal 11.5.2018 paľikerdones sthoďi akreditacija. Mymamy, o.z. akanutnones  šaj del šegitipen le jažurenge vaš trestno keriben pedal mariben vaš pašutno the prithodo dženo so hine andro Perješiskero the Sabinoskero tham. Prekal  beršeste 2018 das šegitipen prekal pravna solgaľipena andal odborno šegitipňi the psichologikaňi  pedal čhavende, vašoda hoj džalas buter sar pal čhavorikane jažurende.

Buťikano šegitipen

O džuvľija, so ačhile butginďardones pre dajengero kheripen vaš butervarutno dajipen, olen hin cikneder sikhaviben vaj vaš cikne čhavenge, kampel lenge e buťi prekal cikňisardo sphandľipen the hin len problemos te arakhel buťi, vašoda hoj hin pro buťakero than diskrimiňinen. Pedal nevo, korkoreskero zachudňipen bijo lovengero figeňipen hine lovengere zdroji but kampeľišagutne. Seratar andal automatikano keriben vaš savore formi la lovengero šegitišagos, savo le klijentkenge andal vajsave dovodi peren tele (prispevkos pedal zabešiben, dajakero prispevkos, …) the nane len skerdo, kamas lenge, save presikhavena interesos, te visarel pale  pro buťarutno than the avka lenge te šegitinel te zathovel peskero kherutňipen

Charnovachtoskero lačharipen pal čhaveste

Akor, kana la klijentka hin varesavo zgeľipen, uradno keriben, doktoriskero ačhiben vaj ajse važna the bijoprethode povinosťa, hin amare klijentken možnosťa te mukhel le čhaven buťarutnenge, save pes pal čhavende lačharena.

Ľikeriben vaš dadodajengere kompetenciji

The prekal oleste, hoj ada keriben bi na sas sphandlo la amari buťaha, vašoda hoj amaro kher gondoľinel, hoj e romňi, so hiňi ke amende zabešľi, hiňi korkoreskeri the pal peskere čhave džanel butzorales te  lačharel, ačhol pes amende, hoj andre varesavi romňi dodžanas pal lakeri charňi urovňa vaš dadodajeskeri kompetencija. Ola hine sphandle le teleder mentaliko baripneha, nalačho fameľijakero thaneha the varekana the la teleder šuňibnaskero prikikidňipen ko čhaveste.  Akor, kana ajo vareso andre amaro klijentka zadikhas, kamas dojekhvar opral amari buťate te sikhavel la sar te cirdel o kherutňipen the lačharel pal peskere čhave, sar te prikerel  zachudlones vaš fameľijakero  rozpočtos the agorutnes te prebaľinel 

 So das le čhavenge amare klijentkendar?

Psichologikano šegitipen

Kana hino andro kherutňipen presikhado mariben, the kane pes oda na čalavel le čhavorestar, hin les pre čhaveste but baro periben. Perel anglunes pedal leskero predživipen the psichikano bararipen, aľe the pedal leskero zadikhiben the ľikeriben. O čhave, so ke amende aven andal maribnaskere sphandľipena, hine but choľamen pre savoreste the pre savoren, aľe the pre peste, vašoda anglunes ola cikneder čhave zadikhen, hoj jon hino ajse došale vaš situacija, savi pes ačhiľa fameľijate. Denašen anglal čačipen, kamen la peske jekhetaňarel, te visarel, te lokisaľarel, in len šuňiben, hoj len ňiko na dikhel, the ňiko lenge na achaľol. Phureder čhave peren tele anglal depresiji, roden biphandľipen maškar  paľenka, drogi, vajsave budžande partiji, terneder pen butvar visaren andro peskero terneder zaterďipen vaj te ačhol andro teleder than te ačhol andro akorutno, na achaľon la situacijake the dojekhvar  pen šunen došale korkore. Zgeľipena la čhavorikaňi psichologikaňija džan pestar korkorestar, prekal vajsave bavišaga the biphandlone vachtoha the akor hin le čhaves than pre oda, aj phenel savore peskere nalačhe zadživipena, daravibena the traumi te resen o šuňiben, hoj lenge pre varekaste but bajinel.

Čhavorikano klubos mamačik

Jekhvar čhoneste keras pedal savoren, so hine zabešle, aľe the pedal ambulanťika čhavende biphandlo vachtoskero čalaviben tel naveske čhavorikano klubos Mamačik. O čhave peske le vachtoha so sas le avre čhavenca, so len hin the ajse traumatikane zadžidžipena le maribneha afameľija, len andre goďi, hoj le peskere „raťune daravibnenca“ nane andro peskero svetos korkore, hoj pedal lende hin skerdo o than, saveha šaj jekhetanes vakeren le spolužijakenca školate vaj le kamaratenca pro ihriski. Ala čhave pen džanen prekal akorutno čirlatuňipen feder te achaľol the jekhetanes pes te ľikerel. But interesno pedal amende hin prekal  čalavibena andre ada klubos te del zadžidživipena the te del lenge leperibena pedal bachtalo čhavorikaňiben, savo lenge lengere dada peskere zaterďipneha ile. Oda pes ačhiľa sar pravidlos, kana peske prekal ňilajutno vacht ginďarďas jekhetanes zadžido vacht le kurkeskero taboriha Mamačik, saves hin rekreačno-terapeuťiko bazutňipen. Jepaš beršeste 2018 pes amenge delas te resel  paľikerdones le projektoske so sas ľikerdo firmatar Henkel le bare lovenca pedal organizacija vaš čhavorikano kluboste pedal averutno berš, the čalavibena prekal dojekhvarutna zgeľipena ena sthode  the  beršeste 2019, sostar amen but pherasaľuvas.

Hipoterapija 

Prekal calo berš zabešle čhave džanas dujvar čhonoste pre hipoterapija. Paľikerdones latar pen federisaľon prekal čalaviben vaš manušikano teštos, buchľi motorika, zorasaľon penge svali the federisaľon e rovnovaha. Čačo bešiben pre grajeste čhivel avri e dumoskeri skolijoza. Prekal psichologikaňi sera pes odmukhel the džal avri lačho šuňiben. O čhave avka predžidžide, hoj kana penge bešena pro grajeste la nalačho pasijaha, o graj oda sig šunela  the avriľikerel pes jekhtones. Kana sar hino čhavo biphandlo, the o graj hino biphandlo the jekhetano buťaripen maškar lende hino feder. O čhave pen paľikerdones olake terapijate sikhľon sar te lačharel, sar te lel zodpovednosťa pal džvirende the resen bazutna buťardone ajsipena, so penge mangen lačharipen pal grajeste.

Špecijalno-pedagogikano sikhaviben

The imar savore čhaven, so bararde andro mardo sphandľipen, hin buter či čineder problemi le ľikeribneha, butvar hine dikhade the spindžardone  simptoma vaš mariben. Paš ala čhaven hin presikhadio palokaľardo vakeribnaskero bararipen, hin le problemi la koncentracijaha the goďaha, so in doperiben pedal lengero školakeri prospechos. Le čhaven – zabešlen the avrutnen – vašoda len in individualna ora le amare špecijalna pedagogenca.

Save preventivakere aktiviti keras?   

Preventivakere čalavibena hine anglunes sthode pedal primarno prevencija pro maškarutna školi the pre gaveste, kaj laj le chasňaribneha le sikhavibnaskere materijali the dokumenťika filmi keras Mymamy, o.z. vakeribena presikhade pedal temi vaš ľingunalo jekhipen the leskero  figiňipen le ľingunalo telethoďipno maribneha.  Jekhetanes leste imar butervachtones  džas dureder the avka, hoj das avri butšunde treningi prekaloblasťa vaš mariben sthodo pedal džuvľijende the ľingunalo jekhipen pedal jekhetanes buťarde organizaciji – profesijonala, save pen paš peskeri buťi šaj zdžan le džuvľijenca, so šunen mariben prekal dujdženengere sphandľipena the lengere čhavenca.

Bijo preventivakere čalavibena so hine sthode prekal školi the gavengero tham, keras the (ko priklados FemFest) priphandas amen (ko priklados 16 ďivesa vaš čalaviben mamuj mariben pedal džuvľijende) andro kampaňa, kaj hino ceľos bijo avreste the informaťiko hazdňipen vaš buchľardo nipi pal maribnaskere temi prekal dujdženengero sphandľipen, leskero bilačhipena the peribena pedal džuvľijende the čhavende.

La prevencija sthovas vaš jekh andal sposobi sar te jel pašeder ko butlačho stavos vaš zeroskeri maribnaskeri tolerancija andre socijeta, so hino ča jekh drom pedal efektivno zaačhiben vaš mariben the andro sukromňiko kotor.