Інтервенчный центр MyMamy
Поміч жертвам домашнёй насилности
в Пряшівскім краю
Сьте жертвов домашнёй насилности?
Пережываєте фізічну, псіхічну, соціалну, економічну, сексуалізовану насилость?
Сьме ту про Вас.
Понукаме шпеціалізовану поміч на основі інштітута выстягованя насилной особы із сполочного бываня, но і на основі контакту із жертвов домашнёй насилности, котра глядать шпеціалізовану поміч:
- даєме общу шпеціалізовану поміч;
- даєме основну і шпеціалізовану соціалну конзултацію;
- посуджіня різіка, выгодночіня грозьбы небеспеченьства, розроблїня беспечностного плану;
- посередництво соціалных служеб в заряджінях дочасного бываня, aбo в беспечных женьскых домах, кедь є огроженый жывот або здравя в першім рядї зранюючой особы;
- посередництво далшой помочі;
- спроваджаня жертвы в часі обяснїня карного дїла;
- даєме крізову псіхолоґічну інтервенцію про жертвы;
- даєме правну конзултацію в области родинного, цівілного і карного права;
- розроблїня і і поданя пропозіцій і поміч при іншых правных дїянях.
Ґарантуєме анонімность нашых клієнток і клієнтів і вшыткы нашы службы суть НЕПЛАЧЕНЫ.
Округ жертв:
- жертва караючого поступку трізнїня близкой і звіреной особы;
- жертвы дакотрого із караных поступків протїв людьской достойности;
- жертва преступку выконаного орґанізованов ґрупов;
- жертвы домашнёй насилности – жены і дїти, хлопи і сеніоры.
Жертвы домашнёй насилности ся в резултатї повторюючой грозьбы насилности поважують за в першім рядї зранюючі жертвы і зато їм приналежать наслїдуючі права не рахуючісь з тым, ці было зачате обяснїня карного дїла:
- право на выслуханя;
- право на то, жебы ся з Вами як жертвами заобходило з почливостёв, уважінём і чутливо;
- право на інформації в порозумлюючій формі;
- право на бесплатну шпеціалізовану поміч;
- право на одшкоднїня.
(Жрідло: Міністерство справодливости СР: Iнформачна аґітка про жертвы домашнёй насилности в припадї выстягованя насилной особы із сполочного бываня).
В рамках нашого фунґованя маєме розбігнуту мултіінштрументалну кооперацію:
- з крізовыма центрами, беспечныма женьскыма домами на теріторії цїлой Словацькой републікы в рамках конзултації і редістрібуції клієнток і їх дїтей з прічіны їх беспечности і при вывжываню уквартелюючой службы,
- з урядом роботы, соціалных дїл і родины при звірёваню дїтей до выховы єдному із родічів, при оформлїню прав і повинностей ід малолїтнїм дїтём,
- з Поліцайным збором при списованю карных ознамлїнь, при збераню доказового матеріалу, при приправі і реалізації выслухів пошкодженых,
- з теренныма соціалныма робітниками в рамках міст і сел цїлой Словацькой републікы,
- із медициньскыма заряджінями,
- з орґанізаціями на поміч і лічіня дроґовых і іншых залежностей, з харітами і іншыма заряджінями соціалных служеб.
Контакы:
Особный контакт
– все по обїднаню посередництвом мейлу або телефонічного контакта
Інтервенчный центр МыМамы
Райманова 9 / Raymanova 9, 080 01 Prešov / Пряшів
Робочі годины канцеларнї Інтервенчного центра: понедїлёк – пятніця: 8:00 – 17:00
Teлефонічный контакт:
Нонстоп на телефоннім чіслї: 0902 822 163
Імейловый контакт:
icpo@mymamy.sk
Сайт:
www.mymamy.sk
Далшы важны контакты:
www.pomocpreobete.gov.sk
Поліція – 158
Народна лінка про жены пережываючі насилность: 0800 212 212
