Testos – zadžives mariben khere?
Ačhiľa pes tumenge, hoj Tumaro rom:
Tumen telethovel mujales – rakinel tumenge?
Marďa Tmen fizikanes varekana tumaro roma (ruginďa andre Tumende, tasavelas tumen the aver)?
Daravel tumen le maribneha?
Marel tumaro rom the le dženen seratar tumaro kherutňipen?
Vičinkerel tumenge tumaro rom hoj tumen murdarela vaj murdarela pes?
Hino tumaro rom pedal tumenge vaš čhavenge hoj hino prikikidno?
Zaačhel tumenge pes te zdžal la fameľijaha vaj amalenca, izolinel tumen andal pašaľipen?
Kontrolinel tumen vaj dodikhel?
But zorales kamel tumendar aj keren ča ajse bazutna keribena vaj aver sphandle pravidlenca?
Kamel tumen te ľikerel, manipulinel prekal čhavende?
Na davkerel tumenge dosta love vaj tumen musaj vaš lende te mangel?
Mosarel o rom la peskre goďaha tumare kamadune veci?
Hino tumaro rom pal varesoste figindo?
Sas tumaro rom andro čirlatuňipen zaphandlo?
Hin tumen šuňiben pal dživipnaskero vaj saťipnaskero hrozišagos?
Prikikidel tumen ko ľingunalo sphandľipen mamuj oleste, hoj na kamen?
Periben pedal tumende hine dur dureder zoraleder? Hine zadikhade butvares?
Pal dojekheskero periben pes tumaro rom jertisarel, solacharel tumenge, hoj imar oda na ela pale?
Kana sar odphenďan priačhades pro varesavo phučiben, šaj tumen zadžidživen mariben andro dženengero sphandľipen. Kana sar odphenďan priačhades pro buter sar jepaš phučibena, tumen dživen andro but mardo phandľipen – TUMEN SAN DŽUVĽI, SO PREDŽIVEL MARIBEN.
Dojekh džuvľi hin pravos te dživel bijo mariben, vašoda kana dživen andro maribnardo sphandľipen, na domukhen imar aver mariben the na ladžan tumen te rodel odborno šegitipen. Mariben korkoro korkorestar na preačhola! Mariben dur dureder ča gorisaľola.
BIDARANGUTNO PLANOS
– Hordinen paš peste telefonika gina vaš fameľija, krizovo centroste, advokatka, amalen..
– Zaarakhen tumenge zaterďipen ko mobiloste, paš o periben mangen le suseden, aj vičinen zaarakhiben
– Anglunes tumenge dovakeren signalos sar te vičinel zaarakhiben (krikos, lemaviben pro vudara, pre fala…)
– Zachuden tumenge: uľardo ľil, themutňi legitimacija, pasportos, čhavengere legitimaciji, sasťikane legitimaciji, kreditakeri karta…
– Zachuden tumenge lovengeri rezerva pedal dromaripen, presoviben, chaviben…
– Zachuden tumenge aver kľeja andal khereste, motoriste
– Paťaren the garuven tumenge the seratar le kherestar o renti, love, praški the legitimaciji
